រាជធានីភ្នំពេញ៖ ព្រឹកថ្ងៃទី០៤ ខែមករា ឆ្នាំ២០២៤ ឯកឧត្តម សុខ ពុទ្ធិវុធ រដ្ឋលេខាធិការក្រសួងប្រៃសណីយ៍និងទូរគមនាគមន៍ និងលោកជំទាវ គឹម សេដ្ឋានី រដ្ឋលេខាធិការក្រសួងអប់រំ យុវជន និងកីឡា បានដឹកនាំថ្នាក់ដឹកនាំនៃក្រសួងប្រៃសណីយ៍និងទូរគមនាគមន៍ ក្រសួងអប់រំ យុវជន និងកីឡា និងស្ថាប័នផ្សព្វផ្សាយអប់រំកម្ពុជា(EBC) ក្នុងកម្មវិធីទស្សនកិច្ច នៅវិទ្យាស្ថានគរុកោសល្យរាជធានីភ្នំពេញ។

ដំណើរទស្សនកិច្ចនេះបានបង្ហាញពីស្ថានភាពជាក់ស្តែងនៅវិទ្យាស្ថាន និងលទ្ធភាពនៃការរៀបចំប្រព័ន្ធអេកូស៊ីស្តែមអប់រំបែបឌីជីថលនៅក្នុងវិទ្យាស្ថាន ដើម្បី៖

១).ស្វែងយល់ពីស្ថានភាពជាក់ស្តែងនៅវិទ្យាស្ថានគរុកោសល្យរាជធានីភ្នំពេញ និងលទ្ធភាពនៃការរៀបចំប្រព័ន្ធអេកូស៊ីស្តែមអប់រំបែបឌីជីថលនៅក្នុងវិទ្យាស្ថាន

២).កំណត់គោលដៅរួម និងជំហាននានា <កម្មវិធីបណ្តុះបណ្តាល ផលិតមាតិកាអប់រំ និងប្រតិបត្តិការប្រព័ន្ធអេកូស៊ីស្តែមអប់រំបែបឌីជីថល> ក្នុងការរៀបចំប្រព័ន្ធអេកូស៊ីស្តែមអប់រំបែបឌីជីថល និងដំណើរការនៅក្នុងវិទ្យាស្ថានបម្រើឱ្យការបង្រៀន-រៀន និងការអប់រំគ្រូបង្រៀន សំដៅបណ្តុះបណ្តាលគ្រូបង្រៀនឌីជីថលឱ្យស៊ីគ្នាទៅនឹងយុទ្ធសាស្រ្តការងាររយៈពេលមធ្យម និងវែង

៣).កំណត់យុទ្ធសាស្រ្តរួមគ្នាក្នុងការគាំទ្រដល់ការរៀបចំ និងដំណើរការប្រព័ន្ធអេកូស៊ីស្តែមអប់រំបែបឌីជីថលនៅក្នុងវិទ្យាស្ថានគរុកោសល្យរាជធានីភ្នំពេញប្រកបដោយសង្គតិភាព និងគុណវុឌ្ឍិ។